Нова студија покажува дека 25 отсто од луѓето ќе доживеат мозочен удар

Според една нова студија, секој четврти човек ќе доживее мозочен удар на возраст од 25 години или подоцна.

Истражувачите од Институтот за здравствена метрика и евалуација ги проучиле ризиците од мозочен удар на глобално и регионално ниво во 1990 година и повторно во 2016 година, а потоа ги споредиле, со што дошле до заклучок дека ризикот за мозочен удар од 25-годишна возраст, па натаму е 24,9 отсто, а во 1990 година истиот изнесувал 22,8 отсто.

Во студијата се напоменува дека бил проценет само ризикот кај лица над 25-годишна возраст бидејќи мозочниоте удари кај помлади лица се многу ретки.

Доктор Грегори Рот, авторот на студијата, истакнува дека ризикот од мозочен удар е највисок во Источна Азија, Централна Европа и Источна Европа, односно над 30 отсто.

Најголем е ризикот кај мажите во Кина – 41,1 отсто, и кај жените во Латвија – 41,7 отсто.

Кај луѓето од супсахариска Африка постои најмал ризик од мозочен удар.