Времето денеска ќе биде претежно облачно со повремени врнежи кои поради спуштање на студен воздух од север речиси насекаде ќе преминуваат во снег, освен на југоистокот, информираат од управата за хидрометеоролошки работи.
Од таму додаваат дека врнежи повеќе ќе има во претпладневните часови во централните и источните делови од земјава, а попладне постепено ќе се преместуваат кон исток и ќе престануваат.
Ќе дува умерен, долж Повардарието засилен ветер од северозападен правец, што во текот на денот ќе предизвика пад на температурата за неколку степени. Дневната температура ќе биде во интервал од -2 до 4 степени Целзиусови.
Во Скопје претежно облачно со умерен, повремено засилен ветер од северозападен правец. Температурата ќе достигне околу 1 степен.
До вторник ќе преовладува облачно време со повремени врнежи претежно од снег со променлив интензитет. Утре повеќе врнежи ќе има во западните, а во вторник во јужните делови. Во среда и четврток се очекува стабилно и суво време.
