Единицата за недозволена трговија при СВР Скопје во текот на вчерашниот ден по издадени наредби од Основен суд Скопје 1 Скопје извршила претреси во домови на неколку лица од Скопје.
Претсресите биле извршени со цел откривање и докажување на кривични дела „недозволено изработување, држење и тргување со оружје или распрскувачки материи“ и „неовластено производство и пуштање во промет наркотични дроги, психотропни супстанции и прекурзори“ предвидени и казниви по член 396 и 215 од Кривичниот законик на Република Македонија.
При претресите, како што информираа од полицијата, се пронајдени и одземени предмети што се дадени на вештачење, додека лицата се приведени во полициска станица.
„При престрес на домот на 41-годишниот Г.Ј. пронајден и одземен е пиштол и рамка со куршуми, кај 27- годишниот Д.К. пронајдени се куршуми, рамка и експлозивна направа, кај Н.А. на возраст од 22 години пронајдени се девет пакувања со марихуана и вага и кај лицето М.Ј. на возраст од 26 години пронајдени се две пакувања со марихуана“, стои во соопштението на полицијата.
По целосно документирање на случаите, против лицата ќе бидат поднесени соодветни поднесоци, велат од полицијата.
