Секогаш во средиштето на збиднувањата...

Интервју на Лепа Брена за Centar.mk: Најубавите забвави се со македонски песни

Екслузивно интервју на Centar.mk со една од најпопуларните југословенски ѕвезди Лепа Брена, која месецов го оддржува својот концерт во Скопје.

Доаѓате во Скопје на 15-ти декември, на 35 годишнината од почетокот на Вашата кариера, кога сме сред новогодишната еуфорија. Зошто ги избравте Скопје и Македонија?
– Јас сум југословенска пејачка, нормално работиме во Белград, работиме во Скопје, како и во сите големи градови на поранешната Југославија.

На вашите концерти понекогаш пеете изворни македонски песни? Дали можеме да очекуваме изведба на некоја позната македонска песна на овој спектакл?
– Секако, јас од секогаш сум сакала да пеам македонски песни, ја обожувам македонската музика и мислам дека некако најубавите забави биле со македонски песни, не само тука во Македонија, туку каде и да одам. Како може да се пее, а да не се испее некоја македонска песна.

Кои се вашите планови во Новата 2019-та?
– Па бидејќи оваа година направив документарен филм кој се вика “Сладок грев, Лепа Брена” од три дела направив албум кој се вика Зар е важно дали се пева или пјева?. Цела 2019-та година ќе помине во промвоирање на истоимениот албум и голем концерт.

Можам да ја најавам и големата турнеја во Австралија, каде ќе пееме во Перт, Мелбурн, Брисбен и Сиднеј, во јануари месец. Мој специјален гостин ќе биде Стефан Живојновиќ, мојот син кој и за 2019-та година најавува исто така свој прв албум во кариера, па така се надевам дека ќе биде многу многу добар.

 

Инаку големиот концерт на Лепа Брена се оддржува во Vip Арена Борис Трајковски на 15-ти декември, за време на предновогодишната еуфорија во главниот град.

Во тренд…