Секогаш во средиштето на збиднувањата...

Почина Љупка Арсова

На 84-годишна возраст денеска почина Љупка Арсова Џундева, тивката дама на македонското актерство. Веста ја соопшти Македонскиот народен театар.

Во ансамблот на Драмата при Македонскиот народен театар Љупка Џундева се вработува во 1951 година. Припаѓа на генерацијата актери кои ја завршија Државната театарска школа во Скопје. Во овој театар работи до пензионирањето во 1990 година. Добитник е на Наградата на градот Скопје „13 Ноември“, потоа на Наградата за артистичко остварување доделена од Југословенската радио-телевизија, Орден на трудот со златен венец и Орден на трудот со сребрен венец.