Заев ќе учествува на втората јавна дискусија за нацрт-амандманите за уставни измени

Денеска со почеток во 12 часот, во свечениот амфитеатар 1 во Универзитетот ФОН, премиерот Зоран Заев ќе учествува и ќе се обрати на втората јавна дискусија за нацрт-амандманите за измени на Уставот на Република Македонија.

Покрај премиерот Заев, говорници ќе бидат и ректорот на Универзитетот ФОН, Нано Ружин и универзитетскиот професор, Темелко Ристовски, додека дискусијата ќе ја отвори и воведе деканката на правниот факултет, Сејдефа Џафче.

Во дискусијата ќе учествуваат претставници на академската јавност и студенти.