Демократскиот сојуз преку соопштение најостро го осуди неовластеното прислушување на Јавното обвинителство, државен орган, кој како што наведуваат оттаму, треба да ги открива и гони сторителите на кривични дела.
Демократскиот сојуз бара енергична и ефикасна истрага и повикуваат инволвираните во овој скандал да понесат одговорност.
„Демократскиот сојуз подолго време предупредува дека има информации кои укажуваат на тоа дека постојат паралени системи за прислушување и дека се врши прислушување надвор од овластените институции (МВР, ЈО, судовите итн). Овие системи се инсталирани пред промената на власта и информациите од нив, најверојатно, се користат од криминално-политичкото подземје“, се наведува во партиското соопштение.
Од оваа политичка партија посочуваат дека МВР во согласност со надлежностите и во соработка со другите институции, мора да ги преземе сите законски мерки за да се заштитат институциите и граѓаните од неовластено прислушување.