Ако видите ваква жолта налепница на вашето возило низ Скопје, веднаш направете го ова

Општина Гази Баба започна акција за отстранување на хаварисаните возила од јавните површини.

Граѓаните чии возила не се во состојба, а истото се наоѓа на јавна површина, ќе имаат рок од 15 дена да ги дислоцираат своите возила кои ќе бидат означени со посебни налепници. Доколку возилата не бидат дислоцирани, инспекторите ќе постапуваат согласно законските мерки и отстранувањето на возилото ќе биде на трошок на сопствениците.

Целта на оваа акција која започна од Автокоманда, а ќе ги опфати и Железара, Ќерамидница, Триангла, Хиподром и Ченто е да се ослободат узурпираните јавни површини од хаварисани возила.

– Оптимист сум дека ќе имаме добра соработка со граѓаните, затоа што во првата акција дел од граѓаните сами ги отстранија своите возила од јавните површини, вели градоначалникот Борис Георгиевски.