Европската Унија вели дека Турција го исполнила најголемиот дел од критериумите зададени за земјата да добие визна либерализација.
Европскиот комесар за миграција, внатрешни работи и државјанство, Димитрис Аврамопулус, изјави дека Турција е решена да ги исполни сите 72 зададени критериуми за да добие безвизен режим.
Според Аврамопулус, на Турција ѝ преостануваат уште само седум услови што треба да ги исполни и додаде дека земјата останува да биде клучен стратешки партнер на ЕУ.
Турција и ЕУ склучија договор за време на бегалската криза во март 2016, со кој се ограничува миграцијата преку Егејското Море и се преземаат строги мерки против трговија со луѓе, како и подобрување на условите на над 3 милиони сириски бегалци во Турција.
Со овој договор исто така се забрзува процесот за преговори за влез на Турција во ЕУ и укинување на визниот режим на турските граѓани во шенген-зоната.
