Најмалку пет лица загинаа, а 18 се повредени кога автомобил се залета во група луѓе, меѓу кои и ученици, пред основното училиште во градот Хулудао, на североистокот во Кина.
Државната ТВ-станица ЧТВ јави дека возачот е приведен,.
На видеата од сигурносните камери се гледа дека возилото се приближува додека децата ја минуваат улицата пред училиштето.
Засега не е јасно дали е во прашање намерен напад, но АП напоменува дека во Кина неодамна се случиле повеќе слични инциденти.
Минатиот месец маж со возило влета во група пешаци во градот Нингбо усмртувајќи две и повредувајќи 16 лица.
Во септември беа убиени 11, а 44 лица повредени во провинцијата Хунан,ж кога напаѓач со возило влета кон група луѓе.
Спонзорирано:
