5.8 C
Скопје
29. март 2024
Centar.mk – Вести, бизнис, забава, спорт…
БИЗНИС

Укинување на акцизата за увоз на нови автомобили и бесплатен превоз, предлага ЛП

Либералната партија смета дека со воведувањето црвена, жолта и зелена еколошка налепница за возилата нема да се реши проблемот со загадувањето. Според партијата, ќе се удри по најсиромашниот слој граѓани што својата последна заштеда ја искористиле за купување сопствено возило, кое во 21 век претставува потреба, а не луксуз.

„Загадувњето прикажано на мерните станици покажува најголеми бројќи на загадување во часовите по полноќ, период во кој низ главниот град има минорен број возила. Затоа, сметаме дека одговорноста треба да се бара во дивите депонии, потпалувачите на отпад и фабриките. Бараме да се извршат темелни промени во сите институции поврзани со отпад“, велат од ЛП.

Според нив, ниту субвенционирањето на електрични и хибридни возила не претставува долгорочно решение.

„ЛП предлага Владата да ја укине акцизата за увоз на нови автомобили, товарни возила и механизација во наредните две години, со што за краток период граѓаните ќе се ослободат од старите возила и на тој начин ќе се придонесе во обновувањето на возниот парк во Република Македонија. Исто така, предлагаме во деновите со загадување над максималната границата автобускиот превоз да биде бесплатен за сите граѓани на РМ“, велат од таму.

Спонзорирано: