Британскиот секретар за надворешни работи Џереми Хант верува дека ќе има „брз напредок” во преземањето на одговорност за убиството на саудискиот новинар Џамал Кашоги.
Хант, кој е во посета на Саудиска Арабија, вели дека очекува многу наскоро да слушне нешто во врска со тоа, објави Ројтерс.
Кашоги беше убиен во саудискиот конзулат во Истанбул на 2 октомври, но неговото тело не е пронајдено.
Американскиот државен секретар Мајк Помпео во неделата телефонски разговараше со саудискиот принц и рече дека САД ќе ги сметаат сите вклучени во убиството за одговорни и дека Ријад треба да го стори истото, соопшти Стејт департментот.
Спонзорирано: