Пред истражниот затвор во Шутка голем број новинарски екипи веќе неколку часа го чекаат поранешниот премиер Никола Груевски кој треба да се јави на издржување на двегодишната затворска казна за случајот „Тенк“.
Доцна попладнево Кривичниот совет му ја потврди на Груевски одлуката на судијата за извршување санкции за затворската казна. Решението е потврдено и испратено до странките, а тоа станува извршно веднаш откако ќе биде примено.
Според неофицијални информации судот денеска не му го доставил решението на Груевски, иако имало два обиди за да му се достави, но тој не бил дома.
Најверојатно вечерва Груевски нема да заврши во затвор.
Се очекува понеделник, кога Груевски треба да се јави на рочиште за случајот „Титаник“ за да му биде доставено решението за издржување на затворската казна.
