Синоптичарите ги соопштија најновите прогнози во врска со времето во Македонија, кое ќе биде сончево со мала висока облачност и со слаб, а на повисоките места и на планините умерен ветер, претежно од југоисточен правец. Максималната температура ќе биде во интервал од 18 до 24 степени.
Во Скопје, времето ќе биде претежно сончево со мала, но висока облачност и со слаб ветер претежно од југоисточен правец. Температурата ќе достигне до 22 степена.
Инаку во наредните денови продолжува период на стабилно и суво време со повремено зголемување на облачноста.
Во некои котлини ќе има услови за појава на утринска слаба магла. Температуата ќе има тенденција на постепено опаѓање.
За среда кон крајот на денот и во четврток се најавува извесно зголемување на облачноста со услови за краткотраен локален дожд.
