Само заради остварување на криминалните интереси на Никола Груевски и Миле Јанакиески, на автопатот Кичево-Охрид забележани се бројни пропусти кои резултираа со дополнителни трошоци за негова изградба, велат од СДСМ како реакција на денешната прес-конференција на Димче Арсовски од ВМРО-ДПМНЕ, кој обвини дека Владата неосновано ги зголемувала трошоците за изградба на овој автопат.
„Само заради лично богатење, бил заобиколен законот за јавни набавки, а штетата врз буџетот со директниот договор е над 155 милиони евра, за што предмети отворија независни правосудни органи и се водат судски постапки“, наведуваат од владејачката партија.
Оттаму додаваат дека Владата на СДСМ ги санирала штетите и ги решила наследените проблеми на автопатот создадени од, како што велат, неодговорното и криминално однесување на ВМРО-ДПМНЕ.