Една од работите која сите би требало да ја избегнуваме е полупразен резервоар.
Имено, кога резервоарот за гориво е празен, во него се кондензира вода, поради разликите во температурата.
-Празниот резервоар е посебно опасен во оние периоди од годината кога температурата драстично се менува, како на пример сега, кога ноќните температури се под нулата, а дневните достигнуваат и преку 10 степени. Ова особено е изразено кај поголемите резервоари, кои имаат капацитет и до 100 литри. Тоа се „празни буриња “ полни со воден кондензат, вели овластениот судски вештак за возила, Горан Хусинец.
Тој уште додава дека водата која се кондензира е најголемиот непријател на моторот, бидејќи предизвикува предвремена корозија на системот за вбризгување, а со тоа и проблеми во работата на моторот.
