Италијанскиот град Болоња се обидува да ги мотивира луѓето да ги користат автомобилите колку што е можно помалку и по тој повод воведуваат бесплатно пиво, сладолед или билети за кино за сите оние кои возат велосипеди или пешачат.
Доделувањето на наградата е дел од новата програма против загадувањето во градот. Властите се обидуваат да влијаат врз свеста на граѓаните да користат велосипеди, да пешачат или, најверојатно, да го користат јавниот превоз што е можно повеќе.
Оваа програма беше прв пат воведена кон крајот на 2017 година од страна на Марко Амадори.
Оние кои сакаат да бидат дел од програмата, најпрво треба да ја инсталираат апликацијата „Подобри точки” која го следи нивното движење. Корисниците за секој километар поминат пеш или пак со велосипед добиваат поени кои можат да се заменат со пиво, сладолед или билет за кино.
Во првите три месеци од оваа година, повеќе од 10 000 луѓе аплицирале за програма, а граѓаните на Болоња почнаа и да се натпреваруваат во освојувањето на повеќе поени, поминуваат и по неколку километри пеш или со велосипед.
