Најмалку 14 деца се повредени во напад со нож во градинка во западниот град Чонгчинг. Нападот го извела 39-годишна жена идентификувана само како Лиу, соопшти локалната полиција.
Нападот се случил по утринските вежби кога децата се вратиле во училницата. Жената напаѓач била фатена и спречена од наставниците и член од обезбедувањето на градинката, а наводно била истепана од родителите на децата.
Како што пренесуваат медиумите, жената ѝ се пожалила на полицијата дека била малтретирана од кинеската влада, но не е јасно зошто ги нападнала децата.
Од видеоснимките што се проширија на медиумите се гледаат толпа полицајци, родители и деца собрани надвор пред градинката, како и возила на брзата помош.
Во Кина изминатите години се забележани повеќе слични инциденти за кои најчесто се обвинети ментално заболени или гневни лица.