Американските претседатели за себе не велат дека се националисти зашто тој збор во светот носи негативна историска конотација, а претседателот Доналд Трамп во обидот да го поттикне своето конзервативно изборно тело во што поголем број да излезе на конгресните избори во ноември, почна да го користи токму тој збор и да се гордее со него, пишува „Њујорк тајмс“.
На митинг во Хјустон тој го усвоил тој збор, што е типично за него, без никакви ограничувања, додава весникот.
Трамп ги повика медиумите да стават крај на непијателскиот однос кон него по инцидентот со сомнителните пакети со експлозив, кои беа испратени до високи американски личности. Пакети со експлозив беа испратени до Си-ен-ен, до врвот кај демократите, вклучително и кај Барак Обама и Хилари Клинтон.
Ниту еден пакет не експлодира, а ФБИ спроведе голема операција за откривање на испрќачот.
Критичарите на претседателот ги нарекоа неговите коментари лицемерни кога тој често користи злобен јазик против своите противници и новинарите.
