Францускиот претседател Емануел Макрон ја реконтруираше Владата, именувајќи го шефот на својата владеачка партија, Кристоф Кастане, на местото министер за внатрешни работи, додека министрите за финансии и надворешни работи останаа на своите позиции.
Со реконструкцијата на кабинетот, Макрон се обидува да ја зацврсти својата администрација, по низата оставки и да ги зајакне реформските напори, кои покажаа знаци на ослабување.
Францускиот министер за финансии, Бруно ле Мер, кој ги предводи напорите на Макрон во неговата цел за реформирање на еврозоната, како и шефот на дипломатијата Жан Ив ле Дријан, ги задржаа своите позиции.
Елисејската палата соопшти дека Кристоф Кастане, кој досега беше државен секретар задолжен за односи со парламентот, е нов министер за внатрешни работи, пренесуваат француските медиуми.