Австрискиот канцелар, Себастијан Курц, ги критикуваше невладините спасувачи на мигранти во Медитеранот, споредувајќи ги со шверцери на луѓе.
„Не може неколку невладини организации да ја минираат јасната цел на шефовите на држави и влади на 28 држави во Европа. И тоа не со цел да спасуваат животи, туку заедно со шверцерите на мигранти да ги доведат во Централна Европа“, рече Курц во интервју за германскиот „Франкфуртер алгемајне цајтунг“.
Курц во врска со ова прашање, конкретно го спомена бродот „Аквариус 2“, кој го управуваа организациите Лекари без граници и СОС Медитеран.
„Ако либиски или египетски бродови ги спасуваат мигрантите од морето, а не европски, тогаш нема да има потреба да се покреваат сложени правни прашања“, рече Курц.
Спонзорирано:
