Нервозата во врвот на ВМРО-ДППМНЕ денеска кулминира со недозволиво понижување на граѓаните. За ВМРО-ДПМНЕ, над шестотини илјади граѓани што гласаа на референдумот се нерелевантни, се вели во реакцијата на СДСМ.
Според партијата, тоа е истата матрица на Никола Груевски преку која со години граѓаните беа малтретирани, понижувани и омаловажувани, која им го кратеше правото на глас, на слободно изразување и слободен говор.
„Фокусиран на амнестијата, врвот на ВМРО-ДПМНЕ не знае што прави, партијата не знае каде тера. Нема ништо порелевантно од волјата на над 600 илјади граѓани“, се додава во соопштението.
