23.8 C
Скопје
29. март 2024
Centar.mk – Вести, бизнис, забава, спорт…
МАКЕДОНИЈА

СДСМ со жестока реакција до ВМРО ДПМНЕ – еве што им порачаа

Наместо да шири лажни вести и создава конструкции, ВМРО-ДПМНЕ првин треба да каже дали ќе учествува на референдумот в недела, реагираа преку соопштение од СДСМ на изјавата на прес-конференцијата на Игор Јанушев од ВМРО-ДПМНЕ.

„Јасна е намерата на опозициската ВМРО-ДПМНЕ, која и самата не знае дали ќе учествува на референдумот, на денот на гласањето, да прати партиски војници на гласачките места што би ги забележувале и евидентирале луѓето што гласаат, како што тоа впрочем и го правеше во минатото. Македонија, граѓаните, нема да дозволат ВМРО-ДПМНЕ насилно да ја блокира македонската иднина преку бојкотот што активно го организира. Раководството на ВМРО-ДПМНЕ, предводено од Христијан Мицкоски, останува заробено во темното минато и работи против иднината на Македонија и нејзините граѓани“, се наведува во реакцијата на СДСМ.

Надлежните институциите, велат од партијата, се на висина на задачата и гарантираат организирање фер, слободен и демократски референдум. Референдумот ќе биде набљудуван од ОБСЕ, од домашни и странски набљудувачи, како и од невладини организации и граѓански здруженија.

Правото на глас е загарантирано и неприкосновено и секој вид притисок, уцена и закана врз избирачкото право ќе биде соодветно санкциониран, се додава во реакцијата на СДСМ.

Спонзорирано: