Руското Министерство за одбрана ќе го гради главниот храм за армијата во паркот „Патриот“ во близина на Москва, најави рускиот министер за одбрана, Сергеј Шојгу.
Оваа идеја веќе е одобрена од страна на јавноста, владините тела и воената администрација, а направен е и визуелен концепт на комплексот, пренесе новинската агенција „Тасс“.
Висината на воениот храм ќе биде 96 метри и ќе може да прими до 6.000 луѓе. Планирано е храмот да биде завршен до 2020 година, пишува руска „Газета“.
Имињата на авторите на проектот во моментов не се познати.
Заменик-министерот за одбрана, Андреј Картаполов, рече дека министерот Шојгу ја иницирал изградбата на црквата во чест на Вознесението Христово, во февруари, а подоцна за тоа добил благослов од патријархот московски и на цела Русија, Кирил.
Според Картаполов, храмот треба да биде симбол за вековното единство на војската, народот и црквата. Во храмот ќе бидат чествувани неколку светци, кои се сметаат за патрони на одделни родови на војската.
Министерството за одбрана отвори посебна страница посветена на црквата и објави кратко видео од три-димензионален модел на храмот темно зелена.
