Грчките морнари денеска го прекинаа штрајкот поради кој траектите и патниците низ целата земја останаа во пристаништата, откако постигнаа договор со работодавците за зголемување на платите.
Ова е прво зголемување на платите на работниците во овој сектор во текот на изминатите осум години.
Штрајкот принуди многу транспортни компании да го преуредуваат распоредот на закажани пловидби, а туристите да бараат алтернативни начини да патуваат во земјата каде што туризмот е од клучно значење за економијата.
Годинава Грција ја посетија рекордни 32 милиони туристи, а сообраќајот во пристаништата е особено интензивен во текот на летото, на врвот на туристичката сезона.
