Американскиот претседател, Доналд Трамп го обвини „Гугл“ дека ги мести резултатите од пребарувањата за него, така што да се гледаат само лошите вести. Трамп денеска вети дека ќе се справи со она што тој го нарекува „многу сериозна ситуација” на социјалните мрежи кои ги „задушуваат” конзервативни гласови и „кријат информации” и добри вести.
По обивнувањата од страна на американскиот претседател, „Гугл“ ги демнтираше обвинувањата. Од компанијата во својот демант посочија дека нема политички мотиви во пребарувањето.
„Кога корисниците впишуваат зборови во пребарувачкиот систем на „Гугл“, нашата цел е да осигураме дека за неколку секунди, корисниците ќе добијат податоци и најрелевантни одговори“, посочија во својата реакција од компанијата „Алфабет“, матична компанија на „Гугл“.
