Повеќе од 160 лица загинаа во поплавите предизвикани од обилните монсунски дождови во јужната индиска држава Керала.
Повеќе од 85.000 луѓе пак се раселени, а спасувачката акција и евакуација и натаму трае. Спасувачки екипи со помош на хеликоптери и чамци евакуираат стотици загрозени семејства.
Властите стравуваат дека бројот на загинати би можел и натаму да расте, посебно поради предупреувањето на државната метеоролошка служба, која издаде црвено предупредување во Керала, и посочи дека дождови може да се очекуваат и во наредните денови.
Во тек е спасувачка операција, а федералната влада испрати дополнителни сили да им помогнат на локалните служби.
Според официјалните претставници илјадници луѓе се заробени од надојдената вода, а властите ги повикаа и рибарите да помогнат во спасувачката акција.
Надојдената вода досега направи штета на стотици објекти.
