Турскиот претседател, Реџеп Таип Ердоган, остварил телефонски разговор со својот француски колега, Емануел Макрон, а едни од главните теми на разговорот биле економските односи и трговијата.
Како што јавуваат медиумите, повикувајќи се на неименувани извори од Турција, телефонскиот разговор бил фокусиран на важноста за развој на економските односи и трговската размена меѓу земјите.
Според иститот извор, двајцата претседатели договориле и средба на министрите за финансии на двете земји, а Макрон посочил дека економската стабилност на Турција е важна за Франција.
Ваквиот телефонски разговор меѓу Ердоган и Макрон доаѓа во време кога турската економија е ослабена по наглиот пад на вредноста на турската лира, дипломатската криза со САД и воведувањето на санкциите.
Претходно, денеска, Ердоган имаше средба и со катарскиот шеик Тамим бин Хамад ал-Тани, кој посочи дека Катар финансиски ќе ѝ помогне на Турција за излез од кризата.