Две возила биле опожарени ноќеска во Скопје и Велес. Како што информира полицијата, околу 2 часот на булеварот АСНОМ во Скопје било опожарено патничко возило „бмв“ со скопски регистарски ознаки, сопственост на приватна здравствена установа. Во пожарот била опожарена десната задна страна. Пожарот бил изгаснат од Бригадата за противпожарна заштита.
Исто така, во 1.30 часот во дворот од куќа на улицата Гоце Делчев во село Отовица, Велешко, од засега непознати причини било опожарено патничко возило „мерцедес Ц 180“ со штипски регистарски ознаки, сопственост на С.И. (64) од Велес.
Од страна на екипа од Територијалната противпожарна единица – Велес пожарот бил изгаснат. Увид на местото извршила екипа од СВР Велес. Се преземаат мерки за расчистување на случајот.
