Локалните власти наредија масовна евакуација на грчкиот остров Евија, поради ширењето на шумскиот пожар што изби вчера, а прогласена е и вонредна ситуација.
Веќе се евакуирани две села и манастир.
Fire again… Now in #Evia #Euboea #Ευβοια #greece #greecefires pic.twitter.com/yJ3E1Zgzsh
— Mariusz Deczkowski (@MariuszDeczkovS) August 12, 2018
Главниот пат од 180 километри што води кон островот е стопиран за сообраќај во областа што е во близина на пожарот, соопшти полицијата која ги повика луѓето да ги користат траектите за од островот да дојдат до Атина. Траектите ќе сообраќајaт и во текот на целата ноќ, пренесе „АП“.
Противпожарникарната бригада соопшти дека жителите на селата Контодеспоти и Ставрос во централните делови на Евија, околу 70 километри од Атина се евакуирани.
Our pure forests in #Evia #Euboea #Ευβοια #greece in jeopardy hope all ppl are safe and our heroes @pyrosvestiki fire fighters ,would give their best efforts as always 🙏🏼 pic.twitter.com/9pxj7DZNyF
— Δημήτριος ܕܝܡܝܬܪܝܘܣ (@Jim_Pana) August 12, 2018
„Огнот зафати големо подрачје“, изјави претставник на општината во која припаѓаат двете села. Пожарот, како што вели, зафатил борова шума и се движи кон Псахни. Тој додаде дека огнот се шири поради силниот ветер.
Пожарот го гасат 62 пожарникари со 28 возила, а во секое време се очекува да стигне и засилување од централна Грција.
Во пожарите што минатиот месец го зафатија селото Мати, недалеку од Атина настрадаа 94 лица, по што премиерот Алексис Ципрас ги промени министерот за цивилна заштита и раководителите на противпожарната бригата и полицијата.