Еве како да направите вкусна кафанска чорба…
Состојки: 500 гр телешко месо од бут или врат, 1 главица кромид, 2 моркови, пашканат, магдонос, 1 корен целер, 2 компири, 1 дл масло, 2 лажици брашно, 2 дл кисела павлака Пекабела, 1 жолчка, сол, бибер, магдонос
Начин на подготовка:
Кромидот ситно исечкајте го, па издинстајте го на масло. Додајте месо исечкано на коцки (и коски, ако има), налијте вода и динстајте на тивок оган околу еден час. Додајте зеленчук исечкан на коцки, зачинете со сол и бибер, па налијте околу 2 л вода.
Направете и запршка од две лажици брашно, па сè заедно гответе уште околу половина час.
Пред сервирање во готовата чорба измешајте павлака со разматена жолчка и посипете со ситно сечкан магдонос. По желба, закиселете ја телешката чорба со оцет или лимонов сок.
Добар апетит!
