15.8 C
Скопје
29. март 2024
Centar.mk – Вести, бизнис, забава, спорт…
МАКЕДОНИЈАТОП ВЕСТИ

Хан: Уверен сум дека Македонија в година ќе почне преговори со ЕУ

Еврокомесарот за проширување, Јоханес Хан, вели дека е уверен оти Македонија и Албанија би можеле в година да ги почнат преговорите со Европската Унија наведувајќи дека процесот на проверка за подготвеноста на земјите за преговори е веќе почнат.

„Ова е многу опсежна работа и се надевам дека ќе ја заокружиме за една година до 14 месеци“, вели Хан во интервју за „Политико Европа“. Целта е, додава тој, да се добие зелено светло од сите земји членки до средината на следната година.

Хан во интервјуто наведува дека не размислува како францускиот претседател, Емануел Макрон, кој смета дека ЕУ не може да се проширува пред самата реформски да се продлабочи. Според Хан, процесите може да одат паралелно.

Еврокомесарот вели дека граѓаните на Западен Балкан имаат право да станат ЕУ-граѓани и дека ЕУ се соочува со избор дали ќе извезува стабилност во регионот или ќе увезува нестабилност во ЕУ.

„Мојата поента е можеби малку поинаква од претседателот Макрон. Можеби можеме да го убедиме дека двете работи мора да се прават паралелно“, вели Хан.

Спонзорирано: