Вчера во општина Аеродром беше организирана акција за третирање на бездомните кучиња во соработка со жители на Аеродром, љубители на животни што доброволно излегоа на терен заедно со службите на стационарот „Вардариште“.
Општината соопшти дека акцијата се одвивала кај поштата во Ново Лисиче и опфатила хумано заловување на бездомните кучиња кои немаат маркички и никогаш не биле стерилизирани и кастрирани. Општина Аеродром најави дека акцијата ќе продолжи и на локации каде што се пријавени глутници кучиња.
„При акцијата кучињата беа грижливо и внимателно сместени во кафези и однесени на кастрација и стерилизација во присуство на ветеринар“, велат од Oпштина Аеродром.
Целта на акцијата е да се зголеми безбедноста на сите жители на општината.
Спонзорирано:
