Тајландските момчиња кои веќе две недели се заглавени во пештера, напишаа писма до нивните родители, во кои им порачаа да не се грижат и ги охрабрија дека се силни.
Во рачно напишаните пораки тие побараа одредена храна, а меѓудругото и пржено пилешко месо, пренесе Би-Би-Си.
„Наставнику, немојте да ни давате многу домашни задачи“, напиша во писмото едно од децата.
Тренерот на момчињата, кој истотака е заглавен во пештерата им се извини на родителите.
„Драги родители, сега сите момчиња се добро. Спасувачкиот тим внимава на нас. Ветувам дека ќе се грижам за децата најдобро што знам. Им Благодарам на сите кои дојдоа да помогнат“, напиша тој.
На писмата на групата, претходеа писма од семејствата, што беше првата компуникација меѓу децата и нивните родители.
Момчињата и тренерот беа пронајдени во понеделникот, неколку дена по исчезнувањето и оттогаш спасувачите се обидуваат да ги извлечат од пештерата.
