Христијан Мицкоски во стилот на здодевен вознемирувачки агитатор, во последните десетина дена при гостувањето на сите национални телевизии постојано бара апсење на претседателот на партијата Јанко Бачев поради качувањето на полициско возило и веење на руското знаме на Собирот пред Собранието на 17 јуни годинава, велат од Единствена Македонија.
„Мицкоски бара апсење на Бачев, замислете, поради тоа што министерот во МВР Оливер Спасовски така изјавил во телевизиски настапи. Единствена Македонија во име на македонскиот народ и во име на ВМРО го прашува лидерот на ДПМНЕ Мицкоски, за кое апсење на претседателот Бачев зборува кога апсењата се вршат врз законска основа, а не врз основа на изјави на полициски министер“, велат од партијата.
Според нив, качувањето на полициско возило и веење на руско знаме не се пропишани како кривично дело во ниту еден закон во Република Македонија.
