Работник загинал во фабрика во тетовското село Порој. Според полицијата, вчера во 15:53 часот во Полициската станица Тетово од Клиничка болница Тетово било пријавено дека кај нив било донесено починато лице.
Полицајците констатирале дека се работи за лицето Р. Б. (67) од Тетово, кој додека изведувал работни задачи во фабрика во село Порој, Тетовско, паднал од корпа на работната машина. Тој бил пренесен како итен случај во Ургентен центар при комплексот клиники „Мајка Тереза“ Скопје, но по пат им подлегнал на повредите и починал. Увид на местото на настанот извршиле Јавен обвинител и екипа од СВР Тетово. Се преземаат мерки за расчистување на случајот.
Спонзорирано:
