Вицепремиерката и министерка за одбрана, Радмила Шекеринска изјави дека Република Македонија следната недела ќе ја добие поканата за членство во НАТО, а за неколку месеци ќе почне процесот за ратификување на протоколите.
Шекеринска истакна дека на денешната владина седница бил усвоен Стратегискиот одбранбен преглед, со кој, како што рече таа, се дефинира одбраната и нејзиниот развој и агендата во сферата на одбраната, за Мaкедонија да добие одбрана согласно стандардите на НАТО.
Вицепремиерката исто така нагласи дека нема да се градат бегалски кампови во земјава и дека никој досега не побарал такво нешто од Македонија.
„Без разлика на шпекулациите и лажните вести кои се ширеа во Македонија најодговорно можам да кажам дека на ниту еден од состаноците со претставници на ЕУ и НАТО, никој не го споменал прашањето за справување со миграцијата“ рече Шекеринска.