5.8 C
Скопје
29. март 2024
Centar.mk – Вести, бизнис, забава, спорт…
БИЗНИС

Супер вест: Македонија и Грција разгледуваат можност за значително намалување на цените на услугата која на илјадници македонци им го оптеретува буџетот

Трошоците за роаминг на Македонците во Грција се големи, а тоа секоја година претставува сериозен трошок на граѓаните за време на летните одмори кои најчесто ја користат оваа земја за летен одмор, па така по решавањето на долготрајниот спор за името, можен е и договор за намалување на цените на роаминг услугите.

Министерот за информатичко општество и администрација, Дамјан Манчевски, оствари работна средба со својот грчки колега, министерот за дигитална политика, телекомуникации и медиуми, Никос Папас.

На средбата се разговараше за можноста за намалување на цените за роминг помеѓу Македонија и Грција.

Манчевски информираше за меморандумот за соработка и предвидените активности за намалување на цените за роаминг со Република Бугарија, како принцип којшто може да се примени и со Грција.

Двајцата министри се согласија заедно со операторите од Македонија и Грција да се сретнат во Македонија, крајот на јули оваа година, каде ќе се разговара за конкретни решенија и временска рамка за да започне процедурата за намалување на цените. Министерот Папас потенцираше дека ова ќе биде особено значајно за граѓаните, ако се има предвид големиот број грчки и македонски граѓани кои патуваат во двете земји.

Како што истакна Манчевски, станува збор за решение од кое ефектите ќе ги осетат сите граѓаните и поради тоа постои цврста волја тоа да се реализира и во пракса.

Папас се осврна на искуството на Грција во делот на дигитализација на администрацијата и дигитализација на земјоделството. Постои интерес од страна на Грција да ги споделат своите најдобри практики во овие области, за што исто така ќе се разговара во јули во Македонија. Целта на договорените средби е да се започне со конкретни активности и проекти, и дефинирање на потребните услови за нивна реализација.

Спонзорирано: