Договорот со Грција ќе биде потпишан в недела на грчката страна на Преспа, потврди Владата.
Засега е познато дека настанот ќе биде поделен на два дела, од кои едниот – потпишувањето на договорот, а другиот дел ќе се случува на македонска територија и ќе стане збор за средба и заеднички ручек.
Точните локации за двата настани ќе бидат познати утре по 18 часот, како и времето кога ќе биде потпишан договорот меѓу двете земји.
Од утре ќе биде забранет пристапот за цивилни возила кон Преспа, каде освен официјалните претставници ќе присуствуваат и новинарите. Паралелно во Грција најавени се демонстрации на местото на кое се очекува да биде потпишан договорот.
Спонзорирано: