Република Македонија тоне со СДСМ на власт. Со раст на БДП од 0,1 отсто и пад на градежништво од 37 отсто се покажува и докажува дека државата само се задолжува, а ништо не се работи, особено на инфраструктурен план. За ваквата неработа и уназадување на државата СДСМ треба да одговара, а не да си игра со интелегенцијата на луѓето за наводни проблеми на некој проект, па да се испере за својата неспособност и фијаското на инвестиционен план, се вели во реакцијата на ВМРО-ДПМНЕ.
Според партијата, сите тековни предизвици што се појавуваат во време на изградба се надминуваат со вредна работа и посветеност, но, за жал, на СДСМ овие зборови му се непознати и не го разбира нивното значење. Целата економија е во пад, само бизнисите на Евро Заев се зголемуваат. За една година СДСМ, Република Македонија е на дното на Европа, само бизнисите на Заеви се на врвот.
„Народот веќе не ви верува и едноставно ви порачува дека веќе вашите лаги не поминуваат. Целата бизнис-заедница е во грч и се жалат од вашите лажни ветување и ви порачуваат дека вашите лаги не поминуваат, стопанството се жали од вашите интриги и гласно ви викаат дека не поминуваат вашите празни зборови. За жал, Македонија и стопанството страдаат од најнеспособната влада во Европа, која нема ниту еден свој капитален проект ниту, пак, визија како да се избегне ова фијаско за сите граѓани“, се вели во соопштението.
Според опозицијата, СДСМ, наместо да се жали и измислува разни изговори, треба да почне да работи.
