20.8 C
Скопје
28. март 2024
Centar.mk – Вести, бизнис, забава, спорт…
МАКЕДОНИЈА

Османи на средба со експертите што ќе ја ценат ефикасноста на системот на управно право

Вицепремиерот на Владата задолжен за европски прашања, Бујар Османи, денеска одржа средба со експертите што се дел од мисијата за оценување организирана од страна на Европската Унија.

Како што информираат од неговиот кабинет, мисијата има цел да ја процени ефикасноста и ефективноста на системот на управно право во државата, и тоа во два сегмента – во управната постапка и во управните спорови.

„Владеењето на правото претставува фундамент во изградбата на современо ефикасно и демократско општество и воедно е најважната придобивка за граѓаните од процесот на европски интеграции“, потенцирал Османи за време на средбата и во овој контекст додал дека од особено значење за напредокот на земјата е подобрување на судскиот систем, особено во делот на управните спорови во јавната администрација на централно и локално ниво.

„Имајќи предвид дека е потребен добро функциониран систем на управна правда за силно, независно и ефективно судство, претстојната мисија нуди одлична можност за да се процени системот на управно одлучување во Република Македонија“, оценил Османи.

Мисијата за оценување ќе трае четири работни дена по што ќе следува подготовка на конечен извештај со препораки што ќе бидат составен дел од реформските процеси. Инаку, на средбата присуствуваа и министерката за правда, Рената Дескоска, и министерот за информатичко општество и администрација, Дамјан Манчевски.

Спонзорирано: