Црна Гора во првата година од членството се покажа како многу цврст и сигурен сојузник, оценил генералниот секретар на НАТО, Јенс Столтенберг. Тој рекол дека Црна Гора има голема корист од тоа што седи на иста маса со останатите 28 земји-членки.
„Има корист од длабоката соработка со сојузниците кои претставуваат половина од светската економија и воена сила“, рекол Столтенберг во интервју за „Вијести“.
Навел дека колективната одбрана претставува најголем можен облик на гаранција за безбедноста и дека грчки и италијански борбени авиони отсега ќе го чуваат воздушниот простор над Црна Гора.
„Во случај на криза, Црна Гора знае дека 28-те пријатели ќе ѝ помогнат“, рекол Столтенберг.