Врховнoто верско тело на Авганистан денес издаде фатва со која самоубиствените напади се забрануваат според законот на шеријатот.
Советот на авганистанските улеми, во кој членуваат муслимански свештеници, научници и луѓе со авторитет во религијата и правото, издаде фатва на собир во Кабул, на кој присуствуваа повеќе од 2.000 члена на Советот.
Советот ги повика владините сили и талибанците и другите екстремисти да ги прекинат борбите и да воведад прекин на огнот. Исто така, беа побарани и мировни преговори во кои ќе учествуваат двете страни. Ова е првпат Советот да испрати ваков повик.
Членот на Советот, Гофранулах Мурат, прочита писмена изјава од состанокот во која се наведува дека невините авганистански мажи, жени и деца се жртви на војната.
Спонзорирано:
