Сириски државен весник изјави дека Дамаск ќе продолжи да се бори против бунтовниците или „терористи“, како што тие ги нарекуваат опозициските сили во земјата, и покрај предупредувањата на САД против новата офанзива во јужната провинција Дараа.
Вашингтон предупреди дека ќе преземе „цврсти и соодветни мерки“ за заштита на прекинот на огнот во јужна Сирија доколку силите на претседателот Башар Асад се борат против бунтовниците.
Дневниот весник „Ал Баат“ во напис објавен во понеделникот изјави дека заканата на САД ја нагласува „валканата американска улога во војната на терористите“ против Сирија.
Минатата година САД, Русија и Јордан се согласија да го вклучат Дараа во зоната на „деескалација“ и да го замрзнат конфликтот.
Владините сили неодамна фрлија летоци во областите што се контролирни од бунтовниците во Дараа, предупредувајќи за претстојната офанзива и повикувајќи ги борците кои се борат против Асад да го положат оружјето.
