5.8 C
Скопје
29. март 2024
Centar.mk – Вести, бизнис, забава, спорт…
МАКЕДОНИЈА

Мицкоски на ручек со коалиционите партнери, бараат лидерска средба и детали за разговорите за името

Претседателот на ВМРО-ДПМНЕ, Христијан Мицкоски, денеска оствари работен ручек со претседателите и претставниците на политичките партии од коалицијата за Подобра Македонија, соопшти партискиот Центар за комуникации.

На средбата станало збор за актуелната политичка и економска состојба, како и процесотот за изнаоѓање решение за името со кое раководи Владата.

„Заедничка беше согласноста дека Владата не споделува информации и процесот на преговори за името го води на максимално нетранспарентен начин што дава впечаток дека се крие нешто од очите на јавноста. Токму затоа произлегува потребата од лидерска средба на која премиерот и министерот за надворешни работи би информирале за детали околу разговорите за името. Воедно беше постигната и заедничка согласност дека премиерот и владата нема монопол над носењето решение за вакво чувствително прашање кое ги засега сите граѓани на Република Македонија“, заклучила коалицијата.

На средбата била изразена и загриженост за економската состојба која сметаат дека постојано се влошува и изневерените очекувања на граѓаните. Како што соопшти Центарот за комуникации на ВМРО-ДПМНЕ, коалициските партнери изразиле и загриженост за, како што велат, политичкиот терор кој го практикува власта, базиран на страв и владеење со уцени и заплашувања. Додаваат дека нема ниту напредок на патот кон Европската Унија и НАТО наспроти ветувањата на Владата за откочување на процесите.

Спонзорирано: