23.8 C
Скопје
29. март 2024
Centar.mk – Вести, бизнис, забава, спорт…
МАКЕДОНИЈА

Димитров на средби во Холандија: Потребен ни е процесот на пристапување во ЕУ

На првиот ден од работната посета на Кралството Холандија, министерот за надвоешни работи, Никола Димитров, оствари средба со генералниот директор на Организацијата за забрана на хемиско оружје, Ахмет Узумџу. Министерот Димитров на претпладневната средба изрази целосна поддршка за работата на Oрганизацијата – добитник на Нобелова награда за мир во 2013 год.

„Го поздравувам вашето лидерство – сè поважно во овие неизвесни времиња кога рамката на мултилатерализмот е разнишана“- истакна министерот.

На средбата беше разговарано за важните напори кои Организацијата ги презема во насока на имплементација на Конвенцијата за хемиско оружје. Димитров ја истакна посветеноста на Република Македонија во овој процес изразена и преку нашата актуелна координација на Источноевропската регионална група во Организацијата.

Димитров имаше и обраќање на реномираниот Холандски институт за меѓународни односи – Клингендал.

„Актуелниот напредок на реформите во Република Македонија може да има само позитивна корист од примената на холандската формула заснована на строгост и фер пристап – јасно идентификување на знаци на уназадување и недоволен напредок, но истовремено и вреднување на постигнатото. Искуството со кризата донесе зрелост во нашиот пристап. Не сакаме да станеме ЕУ земја членка само заради членството. Потребен ни е процесот на пристапување, којшто во основа претставува алатка за трансформирање на нашата држава во европска демократија“, истакна министерот.

Работната посета на Димитров во Кралството Холандија продолжува утре со средби со министерот за надворешни работи на Холандија, Стеф Блок, обраќање пред членовите на Комисијата за европски прашања во Парламентот на Холандија, како и средби во Министерството за одбрана и холандското МНР.

Спонзорирано: