Демократскиот сојуз на сите работници им го честита 1-ви Мај, Денот на работничката класа.
„За зачувување на стекнатите права, но и за стекнување со нови, за подобри услови за работа, за соодветно вреднување на работата, како и за подостоинствен живот, само работниците можат да се изборат, доколку се организирани, единствени и имаат силен партнер за разговори со Власта“, велат од Демократскиот сојуз.
Оттаму предупредуваат дека кохабитацијата со власта секогаш завршувала со кратење на работничките права и во интерес на работодавачите.
“По кратењата на многу права на работниците во изминатите години, промените во Македонија, треба да резултираат и со позитивни реформи во работничкото законодавство и натамошно зголемување на платите и правата на работниците, како и подобрување на условите за живот за сите. Овој ден е само потсетување дека борбата за права треба да продолжи“, сметаат од партијата.
