Во текот на вчерашниот ден министерот во Владата на Република Македонија задолжен за дијаспора, Едмонд Адеми, се сретна со висок претставник во Стејт департментот, Пол Фајфер, во Бирото за Европа и Евроазија.
Адеми ја истакна силната заложба на Владата на Република Македонија за воспоставување институционална соработка со дијаспората и ги запозна домаќините со работата на Владата во однос на актуелните политички прашања, при што ја потврди посветеноста на Република Македонија за влез во НАТО и Европската Унија.
Високиот претставник на Стејт департментот, Пол Фајфер, ѝ честиташе на Владата за добиената чиста препорака од Европската комисија за почеток на преговорите за членство во Европската Унија и изрази силна поддршка од САД за реформските процеси во Македонија дефинирајќи ја Македонија како една од ретките земји кои за краток период направија целосен пресврт на внатрешен план, регионалната соработка и во меѓународната политика во целина.
Воедно, во попладневните часови во просториите на Амбасадата на Македонија во Вашингтон министерот Адеми се сретна со претставници од Форумот за Демократска Македонија.
