Три лица се повредени во тепачка пред пералница во Тетово, во која биле употребени и метали шипки и секири. Според полицијата, инцидентот го пријавил вработен во пералница на улицата Благоја Тоска во Тетово. Според него, дента околу 13:30 часот, додека бил пред пералницата со неговиот братучед М.И., со патничко возило поминал Ц.Д. (51) од селото Желино, со кого од порано имале недоразбирања.
Ц.Д. од возилото упатил пцости кон М.И, по што излегол и со железна шипка го нападнал удирајќи го во левата страна на главата. Во физичката пресметка се вклучил и братучедот на М.И. кој со секира го удрил Ц.Д. неколкупати во пределот на главата и телото. Тие биле разделени од случајни минувачи, по што Ц.Д. со возило на Итна медицинска помош бил пренесен во Клинички центар Тетово и бил задржан за опсервација. Кај братучедите М.И. и М.И. имало забележливи повреди на лицата и рацете. Се преземаат мерки за целосно расчистување на случајот.
