Косовскиот претседател, Хашим Тачи, телефонски разговара со канцеларката на Германија, Ангела Меркел, за потребата од продолжување на дијалогот за нормализација на односите помеѓу Белград и Приштина.
Како што беше соопштено, Тачи ја уверил Меркел дека Приштина останува посветена на спроведувањето на сите договори што беа постигнати досега, како и на постигнување конечен и законски обврзувачки договор помеѓу Косово и Србија.
Меркел, како што се истакнува во соопштението за разговорот, ја поздравила конструктивната улога на Косово во процесот на дијалогот со Србија. Меркел позитивно се изјаснила и за почетокот на работата на управувачкиот тим, во чија надлежност е изработката на статут на заедницата на српските општини на Косово и Метохија.
Спонзорирано: